კაბელების საქმის მოსამართლე დავით ჯუღელი დაინტერესდა, დაიწყო თუ არ გამოძიება მის მიმართ "შესაძლო დანაშაულის ფაქტთან" დაკავშირებით და ხომ არ ითხოვს ბრალდების მხარე მის აცილებას. ე.წ. კაბელების საქმის დღევანდელი სხდომა პროკურატურის მიმართ აღნიშნული კითხვით დაიწყო, რაზეც პროკურატურის წარმომადგენელმა აღნიშნა, რომ მოსამართლის მიმართ შესაძლო დანაშაულის ფაქტთან დაკავშირებით გამოძიება არ დაწყებულა.
შეგახსენებთ, მედია რამდენიმე კვირის წინ წერდა, რომ მოსამართლე დავით ჯუღელზე ე.წ. კაბელების საქმესთან დაკავშირებით, ზეწოლა განხორციელდა.
საქმის განხილვა საქალაქო სასამართლოში დღეს განახლდა. დაცვის მხარემ წინა სხდომაზე საქმის შეწყვეტასთან დაკავშირებით შუამდგომლობა წარადგინა. ბრალდებიის მხარე დღევანდელ პროცესზე თავის პოზიციას დააფიქსირებს დაცვის მხარის შუამდგომლობასთან დაკავშირებით. თავდაცვის სამინისტროს ხუთი მაღალჩინოსანი პირადი თავდებობის საფუძველზე, 19 ივნისს, სასამართლო სხდომის დარბაზიდან გაათავისუფლეს.
