წვიმის შედეგად, ქალაქი სოჭი და ადლერის ტერიტორია დაიტბორა. როგორც ,,ჯი-ეიჩ-ენს” ადგილობრივი ქართველები ატყობინებენ, ამ წუთებისთვის წვიმა შეწყდა, თუმცა, ქუჩები და ადლერის აეროპორტის ტერიტორია სრულიად დატბორილია.
,,ქალაქში საგანგებო მდგომარეობა გამოცხადდა, ავტომობილები მგზავრებიანად მიაქვს წყალს, მაშველები ნავებით გამოვიდნენ და მათ დახმარებას ცდილობენ, ჯერ არავინ იცის არიან თუ არა დაღუპულები ან დაშავებულები, როგორც ვიცი ოლიმპიადის ტერიტორია სრულიად განადგურებულია”, - აცხადებს რესპოდენტი სოჭიდან. მისი თქმით, წვიმა ქალაქში წუხელ შუაღამისას დაიწყო.
