შსს გენისპექციამ biletebi.ge-ის მფლობელის საკითხზე მოკვლევა დაიწყო. ამის შესახებ, ჟურნალისტებთან შს მინისტრმა ვახტანგ გომელურმა განაცხადა.
მინისტრის განმარტებით, თუ დადასტურდება, რომ შს სამინისტროს მომსახურების სააგენტოს დირექტორის პირველი მოადგილე დავით მიზანდარი აღნიშნული თანამდებობის დაკავების შემდეგ პარალელურად biletebi.ge-ის მფლობელიც იყო, ის სათანადოდ დაისჯება.
,,დავალებული ექნა გენისპექციას და ისინი მოიკვლევენ. თუ ეს მოხდა და ეს ადამიანი ამავდროულად იყო biletebi.ge-ის დირექტორიც, ეს ადამიანი დასიჯება. თუმცა ვიცი, რომ ეს ადამიანი წამოსული იყო იქიდან”, -განაცხადა შს მინისტრმა.
გავრცელებული ინფორმაციით, biletebi.ge-ს 60%-იანი წილის მფლობელი შს სამინისტროს მომსახურების სააგენტოს დირექტორის პირველი მოადგილე დავით მიზანდარია.
