მოსკოვი დასავლეთს სანქციებით პასუხობს. პრემიერ მედვედევის განკარგულებით, რუსეთის ტერიტორიაზე ზოგიერთი დასავლური პროდუქციის შეტანაზე აკრძალვა კიდევ ერთი წელი იმოქმედებს. საუბარია საქონლის, მსხვილფეხა პირუტყვის, ფრინველის, თევზის, ზღვის პროდუქტების, რძისა და რძის ნაწარმის, ბოსტნეულის, ძეხვისა და ნახევარფაბრიკატების იმპორტზე, რომელსაც რუსეთი დასავლეთიდან ახორციელებდა. მედვედევის განცხადებით, ემბარგოს გაუქმება იმ შემთხვევაში იქნება შესაძლებელი, თუ დასავლელ პარტნიორებთან ურთიერთობა დალაგდება.
