ერევნის საპროტესტო აქციას სომხეთის კიდევ 4 ქალაქი შეუერთდა. მასშტაბური დემონსტრაციები გიუმრიში, ვანაძორში, ასტარაკსა და აბოვიანში გაიმართა. აქციის მონაწილეები დაშლას მანამდე არ აპირებენ, სანამ ხელისუფლება მათ მოთხოვნას არ შეასრულებს. საპროტესტო ტალღა სომხეთში მას შემდეგ აგორდა, რაც ხელისუფლებამ ელექტროენერგიის ტარიფის გაზრდის გადაწყვეტილება მიიღო.
