ამერიკული სპეცსამსახურები საფრანგეთის პირველ პირებს აღარ უთვალთვალებს. ამის შესახებ თეთრი სახლის ლიდერმა ფრანგ კოლეგასთან საუბრისას განაცხადა. გავრცელებული ინფორმაციით, ობამა ოლანდს ტელეფონით დაუკავშირდა და დაარწმუნა, რომ ამერიკის ეროვნული უსაფრთხოების სააგენტო მას აღარ უსმენს. პარიზის შეშფოთება სკანდალურ ინტერნეტ-პორტალ “ვიკილიკსზე” გამოქვეყნებულმა მტკიცებულებებმა გამოიწვია, რითაც დადასტურდა, რომ ამერიკული სპეცსამსახურები საფრანგეთის მოქმედ და ყოფილ პრეზიდენტებს უსმენდნენ.
