ერევნის ცენტრში ბაგრამიანის პროსპექტეზე მიმდინარე აქციაზე ბარიკადები გამოჩნდა. მომიტინგეებმა საკონსტიტუციო სასამართლოს წინ ნაგვის ურნები მიიტანეს და გზა ჩახერგეს.
ნაგვის ურნების პარალელურად, რამდენიმე მეტრში სამართალდამცავებმა დააყენეს რკინის წინაღობები. როგორც პოლიციელი აცხადებენ, მათ ეს უსაფრთხოების მიზნით გააკეთეს. ბაგრამიანის პროსპექტი თითქმის მეორე დღეა გადაკეტილია. მომიტინგეები თავისუფლების მოედანზე დაბრუნებას არ აპირებენ. სომხური საინფორმაციო სააგენტოების ინფორმაციით, ბაგრამიანის პროსპექტზე მომიტინგეების რაოდენობა მატულობს.
