ამერიკის ეროვნული უშიშროების სააგენტო 2006-2012 წლებში საფრანგეთის პრეზიდენტების, ჟაკ შირაქის, ნიკოლა სარკოზისა და ფრანსუა ოლანდის წინააღმდეგ ჯაშუშობდა. ამის შესახებ სკანდალური ინტერნეტ-პორტალი “ვიკილიკსი” იტყობინება. საიტზე უწყების სადაზვერვო ანგარიშიც არის გამოქვეყნებული, საიდანაც დგინდება, რომ ამერიკული სპეცსამსახურები საფრანგეთის მოქმედ და ყოფილ პრეზიდენტებს უთვალთვალებდნენ. ოფიციალურ ვაშინგტონს სკანდალურ ინფორმაციასტან დაკავშირებით კომენტარი ჯერ არ გაუკეთებია.
