12 თებერვალს მინსკში მიღწეულ შეთანხმებას ალტერნატივა არ გააჩნია. ამ კომენტარით შემოიფარგლა რუსეთის საგარეო საქმეთა მინისტრი პარიზში საკონტაქტო ჯგუფის შეხვედრის დასრულების შემდეგ. მხარეებმა უკრაინაში შექმნილი ვითარება კიდევ ერთხელ განიხილეს, თუმცა შეხვედრა ამჯერადაც კონკრეტული შედეგების გარეშე დასრულდა. საკონტაქტო ჯგუფმა მინსკის შეთანხმებით აღებული ვალდებულებების შესრულების მნიშვნელობას ხაზი კიდევ ერთხელ გაუსვა და შიროკინოს დემილიტარიზაციის მნიშვნელობაზე ისაუბრა. ასევე დადასტურდა, რომ უახლოეს ხანებში სამხედრო ტყვეების გაცვლა იგეგმება.
