მოსკოვსა და კიევს შორის ურთიერთობის დაძაბვა უკრაინის ახალი ხელისუფლების ბრალია. ამის შესახებ ექსპრეზიდენტმა ვიქტორ იანუკოვიჩმა BBC-სთვის მიცემულ ინტერვიუში განაცხადა. „მეზობლებს არ ირჩევენ. რუსეთი ჩვენი მეზობელია და ამ ქვეყანასთან უკრაინას ისტორიული რეალობა აკავშირებს. რაც შეეხება პუტინის განცხადებას იმის შესახებ, რომ უკრაინა, როგორც სახელმწიფო, საერთოდ არ არსებობს, მერწმუნეთ, ეს უბრალოდ, პოლიტიკური შოუს ელემენტებია,“-აღნიშნა იანუკოვიჩმა.
