პაკისტანში უამინდობის შედეგად დაღუპულთა რაოდენობა იზრდება. ბოლო მონაცემებით, გაუსაძლისმა სიცხეებმა ქვეყანაში 200-მდე ადამიანი იმსხვერპლა. განსაკუთრებით რთული ვითარებაა შექმნილი ყარაჩიში, სადაც ჰაერის ტემპერატურა 45 გრადუსს აჭარბებს. ძლიერი სიცხის გამო მწყობრიდან არის გამოსული ელექტროგადამცემი სისტემაც, რის გამოც კონდენციონერების ამუშავება ვერ ხერხდება. ჰაერის უკმარისობისა და მზის დარტყმის ნიშნებით ადგილობრივ კლინიკებს ყოველდღიურად ათობით ადამიანი მიმართავს.
