გასული წლის თებერვალში მშვიდობიანი დემონსტრანტების დარბევაზე პასუხისმგებლობას უკრაინის ექსპრეზიდენტი ნაწილობრივ იღებს. ამის შესახებ მან ბიბისისთვის მიცემულ ინტერვიუში განაცხადა. იანუკოვიჩის თქმით, მას მომიტინგეებისთვის სროლის ბრძანება არ გაუცია. “მსგავსი ბრძანებების გაცემა ჩემი კომპეტენცია არ იყო. გარდა ამისა, სისხლისღვრის კატეგორიული წინააღმდეგი ვიყავი. ჩემი პრეზიდენტობის პერიოდში არც ომი მოხდებოდა და არც ყირიმი დაიკარგებოდა, რომლის დაბრუნების შესაძლებლობაც ნაკლებად რეალურია,”-აღნიშნა იანუკოვიჩმა.
