თბილისის ზოოპარკში პროკურატურის თანამშრომლები იმყოფებოდნენ. არსებული ინფორმაციით, საგამოძიებო უწყების წარმომადგენლები ადმინისტრაციულ შენობაში ზოოპარკის რამდენიმე თანამშრომელს გაესაუბრნენ.
პროკურატურის თანამშრომლების ქმედებებში უცნაურს ვერაფერს ხედავს ზოოპარკის დირექტორი.
„ჩემთან საუბარი არ ყოფილა, მას შემდეგ მე არ ვყოფილვარ დაბარებული. დღეს ზოგი გასაუბრება იყო, ზოგი დაკითხვა, ძალიან კეთილგანწყობილი. იღებდნენ ინფორმაციას ზოოპარკის ცხოველების შესახებ,“ - აცხადებს გურიელიძე.
პარალელურ რეჟიმში გრძელდება სამძებრო და გაწმენდითი სამუშაოები ზოოპარკის ტერიტორიაზე.
