თავდაცვის ყოფილი მინისტრის ბაჩო ახალაიას მეუღლის ანი ნადარაიშვილის განცხადებით, სერგო თეთრაძის მიერ გაცემული კოორდინატებით, 2008 წელს უამრავი ადამიანი დაიღუპა. ამის შესახებ მან ახალაიას სასამართლო პროცესზე თეთრაძის მეუღლესთან სიტყვიერი დაპირისპირების შემდეგ, ჟურნალისტებთან განაცხადა.
ნადარეიშვილის შეფასებით, თეთრაძის მეუღლე, რომელიც დღევანდელ პროცესზე დაიკითხა, იგივე სპექტაკლის მსახიობია, რომელსაც ბედუკაძისნაირები დგამდნენ.
,,ბაჩო ახალიას დავალებით, რომ მის მეუღლეს ჩამოაცვეს თავზე პოლიეთილენის პარკი, ამის შესახებ გააკეთა განცხადება და შემდეგ შევუბრუნე კითხვა, რომ ვინ უთხრა ეს ინფორმაცია. ამაზე გაღიზიანდა და დაიწყო წყევლა. არანაირი შეურაცხყოფა მისთვის არ მიმიყენებია. ფაქტი ჯიუტია, რომ მისი მეუღლის მიერ გაცემული კოორდინატებით 2008 წელს უამრავი ადამიანი დაიღუპა. მას ჰქონდა შეხვედრები პოლიტიკოსებთან, მათ შორის ალასანიასთან. ალასანიას წინასაარჩევნო კამპანია სწორედ თეთრაძის საქმეს ეფუძნებოდა. ალასანია აცხადებდა, რომ ახალაიამ მოკლა თეთრაძე", - განაცხადა ანი ნადარეიშვილმა.
მისი თქმით, თეთრაძის საქმეზე ერთ-ერთი ბრალდებული მეგის ქარდავა უკვე გაამართლეს, ბაჩო ახალაიას კი ეს ბრალდება მაშინ წაუყენეს, როცა საპატიმრო ვადა ეწურებოდა.
,,ეს არის აბსურდის თეატრი, რომელშიც უკვე 3 წელია ვმონაწილეობთ. ასეთი ქალბატონები ვერ გამაღიზიანებენ, უბრალოდ მას შევეპასუხე შვილის წყევლის გამო, რაც ცუდი რამეა", - განაცხადა ანი ნადარეიშვილმა.
სერგო თეთრაძის საქმეზე, ბაჩო ახალაიას წამების, სექსუალური ძალადობის ორგანიზებისა და სამსახურებრივი უფლებამოსილების ბოროტად გამოყენება ედება ბრალად.
ე.წ. ჯაშუშების საქმეზე შემდეგი სხდომა 24 ივნის ს 12 საათზე გაგრძელდება.
