თავდაცვის ყოფილმა მინისტრმა ბაჩო ახალაიამ საქალაქო სასამართლოში ე. წ. ჯაშუშების საქმეზე ჩანიშნული სხდომა, დაწყებამდე პროტესტის ნიშნად დატოვა. აღნიშნულის მიზეზი პროკურორის განცხადება გახდა, იმასთან დაკავშირებით, რომ სხდომაზე უნდა დაკითხულიყო დაზარალებულის წარმომადგენელი, რომელიც სასამართლოში 15 წუთში მივიდოდა.
ამის შემდეგ ახალაიამ განცხადა, რომ იგი მოწმვს ვერ დაუცდიდა და ერჩივნა, დაკითხვა მის გარეშე ჩატარებულიყო.
"იმისთვის მომიყვანეთ, რომ იმ ჯურღმულში დამაბათ? იცით, რამხელა გზა უნდა გამოიარო იმ საშინელების აქ რომ მოყავხარ?" - განაცხადა ახალაიამ.
შეგახსენებთ, რომ აღნიშნულ საქმესთან დაკავშირებით, ახალაიას ბრალი ედება ე.წ. ჯაშუშებად გამოცხადებული პირების წამების ორგანიზებაში.
