სტიქიის შედეგად დაზარალებული ბავშვების პატიმარი მამა შესაძლოა შეიწყალონ. ამის შესახებ სასჯელაღსრულების და პრობაციის სამინისტროს წარმომადგენელი თეა პერტაია სოციალურ გვერდზე წერს. მისი ინფორმაციით, უწყების ხელმძღვანელმა სტიქიით დევნილ, სასტუმროში შეფარებულ ბავშვებს მსჯავრდებული მამა მიუყვანა.
,,მინისტრმა სტიქიით დევნილ, სასტუმროში შეფარებულ დამფრთხალ ბავშვებს მსჯავრდებული მამა მიუყვანა, თავისი ხელფასი დიასახლისს ჩუმად კონვერტით გადასცა და კატეგორიულად აკრძალა ამ შეხვედრის მედიით გაშუქება…”- წერს პერტაია და დასძენს, რომ პრემიერ-მინისტრისა და მინისტრის გადაწყვეტილებით, სასჯელაღსრულებისა და პრობაციის სამინისტრო პრეზიდენტს მოცემული მსჯავრდებულის შეწყალების თხოვნით შუამდგომლობას უგზავნის.
