გუშინ, შუაღამისას დონეცკის ოლქში, სოფელ მარინკასთან დაბანაკებულ სეპარატისტულ ძალებზე უკრაინის არმიის ბატალიონმა ,,კიევ-1” - მა იერიში მიიტანა, თუმცა უკრაინელი ჯარისკაცების შეტევა შეიარარებულმა ინტერნაციონალურმა ბრიგადამ უკუაგდო.
,,პიატნაშკას” სახელწოდებით ცნობილ მოხალისეთა ინტერბრიგადა, რომელსაც აფხაზი ახრა ავიძბა მეთაურობს, დონეცკის დასავლეთ საზღვრებს იცავს.
მათ უკრაინის შეიარაღებულ ძალებთან და უკრაინის ტერიტორიულ ბატალიონებთან ბრძოლით გაითქვეს სახელი.
გუშინდელი ბრძოლა უკრაინელებსა და სეპარატისტებს შორის 4 საათის განმავლობაში მიმდინარეობდა, რომლის შემდეგაც გამარჯვება სეპარატისტმა ,,ბოევიკებმა” მოიპოვეს და ამაში დიდი წვლილი ,,პიატნაშკამაც” შეიტანა.
შეგახსენებთ, რომ დონეცკისა და ლუგანსკის ოლქებში უკრაინული არმიის წინააღმდეგ ადგილობრივი სეპარატისტების გარდა, რამდენიმე ათეული აფხაზი მოხალისეც იბრძვის.
