ტელეკომპანია „როსია 1“-ის ეთერში გასულმა დოკუმენტურმა ფილმმა, რომელიც 1968 წელს ჩეხოსლოვაკიაში განვითარებულ მოვლენებს ასახავდა, ჩეხეთისა და სლოვაკეთის მთავრობები აღაშფოთა. ისინი მოსკოვს უახლესი ისტორიის გაყალბებაში ადანაშაულებენ. ფილმის ავტორების განცხადებით, ჩეხოსლოვაკიაში საბჭოთა ჯარების შეყვანა მიზნად სამხედრო გადატრიალების აღკვეთას ისახავდა, რომელსაც მხარს დასავლეთი უჭერდა. ფილმის გამო ჩეხეთის საგარეო საქმეთა სამინისტროში რუსეთის ელჩი უკვე დაიბარეს.
