ჯანდაცვის სფეროსთან დაკავშირებული რეფორმების პაკეტი უკრაინის უმაღლეს რადას განსახილველად მიმდინარე კვირის განმავლობაში გადაეცემა. ამის შესახებ უკრაინელ ჟურნალისტებს უკრაინის ჯანდაცვის მინისტრმა ალექსანდრე კვიტაშვილმა განუცხადა.
,,ჩვენ საკანონმდებლო ცვლილებების დიდი პაკეტი გვაქვს მზად, რომელიც უმაღლეს რადაში ამ კვირაში შევა.” - აღნიშნა მან.
მისი თქმით, განხორციელდება თუ არა უკრაინაში ჯანდაცვის სისტემის ხარისხიანი რეფორმირება, ამის გადაწყვეტა მთლიანად პარლამენტარებზე იქნება დამოკიდებული.
,,ჩვენ დავინახავთ, რამდენად დაუჭერს უკრაინის რადა მხარს რეფორმებს.” - განაცხადა კვიტაშვილმა.
