ისლამური სახელმწიფოს შეჩერება იმ შემთხვევაში იქნება შესაძლებელი, თუ სამხედროსთან ერთად პოლიტიკურ მეთოდებსაც გამოვიყენებთ. ამის შესახებ აშს დაზვერვის ცენტრალური სამმართველოს ყოფილმა ხელმძღვანელმა დევიდ პეტრეუსმა განაცხადა. მისივე თქმით, ჯიჰადისტების დამარცხება მხოლოდ იარაღით შეუძლებელია, რადგანაც ისლამური სახელმწიფო რეგულარული არმიაა, რომელიც იყენებს როგორც ამბოხებულთა, ისე ტერორისტულ მეთოდებს. პეტრეუსის განცხადებით, ქალაქ რამადზე კონტროლის დაკარგვა სტრატეგიული მნიშვნელობის მარცხია, თუმცა გენერალი იმედოვნებს, რომ რამადიზე კონტროლის აღდგენა რამდენიმე კვირაში გახდება შესაძლებელი.
