ვაშინგტონი არ ფლობს დაზუსტებულ ინფორმაციას იმის შესახებ, რომ დონბასში ე.წ. მობილური კრემატორიუმები ფუნქციონირებს. ამის შესახებ სახელმწიფო დეპარტამენტის წარმომადგენელმა მარი ჰარფმა განაცხადა. სკანდალური ინფორმაცია იმის შესახებ, რომ დონბასში დაღუპული რუს ჯარისკაცების ცხედრებს კრემატორიუმებში წვავენ, კონგრესის შეიარაღებული ძალების საქმეთა კომიტეტის თავმჯდომარემ მეკ ტორნბერიმ გაავრცელა. მისი მტკიცებით, ამ გზით რუსეთი დანაკარგების დაფარვას ცდილობს.
