ზუგდიდში ერთ-ერთი სადისტრიბუციო კომპანიის თანამშრომელი დააყაჩაღეს. როგორც დაზარალებული კახა ბუკია ამბობს, საცხოვრებელი ბინის სადარბაზოში მას ნიღბიანი პირები დახვდნენ, თავში ბლაგვი საგანი ჩაარტყეს და გაძარცვეს. დაზარალებულის ინფომრაციით, მას 4 ათასი ლარი წაართვეს. ბუკიას ადგილზევე გაეწია პირველადი სამედიცინო დახმარება, რის შემდეგაც ის საავადმყოფოში გადაიყვანეს. დაზარალებულის სიცოცხლეს საფრთხე არ ემუქრება. შემთხვევის ადგილზე ექსპერტ-კრიმინალისტები მუშაობდნენ. მიმდინარეობს გამოძიება.
