საერთაშორისო უფლებადამცველი ორგანიზაცია Amnesty International-ი პალესტინურ დაჯგუფება ,,ჰამასს” 2014 წლის ივლის-აგვისტოში ღაზას სექტორში მიმდინარე კონფლიქტისას მშვიდობიანი პალესტინელი ხალხის გატაცებაში, წამებასა და მკვლელობაში ადანაშაულებს.
ორგანიზაციის მიერ მოპოვებული მონაცემების მიხედვით, მსხვერპლთა უმეტესობას ,,ჰამასის” ლიდერები ისრაელთან თანამშრომლობას აბრალებდნენ.
დაღუპულთაგან ბევრი პალესტინის ოპოზიციური მოძრაობა ,,ფათხის” ან პალესტინის უშისროების სამსახურების ყოფილი წევრები იყვნენ.
როგორც Amnesty International-ის ,,გადამტვრეული კისრების” სახელწოდებით დასათაურებულ ანგარიშშია მოცემული, ასეთი ვანდალური ანგარიშსწორების გამო პასუხისგებაში არავინ მიუციათ, რაც იმის დამადასტურებელია, რომ ,,ჰამასის” ქმედებები დაჯგუფების ხელმძღვანელობისგან გამართლებული იყო.
საერთაშორისო უფლებადამცველები დაჯგუფების მიერ 23 მშვიდობიანი მოქალაქის მიმართ სასტიკი ანგარიშსწორების ფაქტებია მოძიებული.
გაერო-ს მონაცემებით, გასული წლის ზაფხულში, პალესტინასა და ისრაელს შორის მიმდინარე ბრძოლების დროს, დაახლოებით, 2 189 პალესტინელი, მათ შორის, 1 486 მშვიდობიანი მოქალაქე დაიღუპა და 11 ათასი - დაიჭრა.
ამ ბრძოლებში, ისრაელის მხარემ 67 ჯარისკაცი და 6 მშვიდობიანი მოქალაქე დაკარგა, რამდენიმე ათეული ებრაელი კი - დაიჭრა.
Amnesty International-ის ახალ ანგარიშში კონფლიქტის ორივე მხარე მკაცრად არის გაკრიტიკებული. ორგანიზაცია როგორც ისრაელს, ისე ღაზას მებრძოელბს ბრალს ადამიანის უფლებათა უხეშ დარღვევასა და უზომო სისასტიკეში სდებს, რასაც ორივე მხარე უარყოფს.
მოხსენებაში მოყვანილია კონკრეტული მაგალითები, თუ როგორ გაუსწორდნენ ,,ჰამასის” წევრები, მოსახლეობის თვალწინ, თავიანთ მოქალაქეებს, ვისაც დამნაშავეებად და შიდა მტრებად მიიჩნევდნენ.
Amnesty-მ პალესტინის ხელისუფლებას მოუწოდა, ფაქტებზე დამოუკიდებელი გამოძიება აწარმოოს და დამნაშავე პირები სასამართლოს გადასცეს.
