ევროპა არ არის დაინტერესებული იზოლირებული, სუსტი და არასტაბილური რუსეთით. ამის შესახებ ევროკავშირის საგარეო პოლიტიკის კოორდინატორმა ფედერიკა მოგერინიმ რომში ასოცირებული უცხოური პრესის კონფერენციაზე გამოსვლისას განაცხადა. მისივე თქმით, რუსეთის მცდელობამ არსებული კრიზისების გადაჭრის საკითხში გარკვეული შედეგები უკვე გამოიღო, თუმცა რუსეთს სანქციები მანამდე არ მოეხსნება, სანამ მინსკის შეთანხმების ვალდებულებებს სრულად არ შეასრულებს.
