შექმნილი კრიზისის ფონზე აღმოსავლეთ პარტნიორობის სამიტი მეტად აქტუალურია, თუმცა ეს პროგრამა არც რუსეთისა და არც სხვა ნებისმიერი ქვეყნის წინააღმდეგ არ არის მიმართული. ამის შესახებ გერმანიის კანცლერმა ანგელა მერკელმა განაცხადა. „აღმოსავლეთის პარტნიორობა არ არის ევროკავშირის გაფართოვების ინსტრუმენტი და ის რუსეთის ინტერესების წინააღმდეგ არ ხორციელდება. რაც შეეხება უკრაინის საკითხს, რუსეთმა მოახდინა ყირიმის უკანონო მიერთება, რითაც ევროპული უსაფრთხოების წესრიგი დაარღვია. ჩვენ ამას ვერ შევეგუებით,“-აღნიშნა მერკელმა.
