„არ ემ ჯი გოლდი“ საყდრისში ყაჩაღიანის ნომერ პირველ უბანში სამუშაოებს გააგრძელებს. ასეთი გადაწყვეტილება თბილისის საქალაქო სასამართლომ დღეს გამოიტანა.
საქალაქო სასამართლოს ადმინისტრაციულ საქმეთა კოლეგიამ კახა კოჟორიძისა და გიორგი გოგოჭურის შუამდგომლობა განიხილა, რომლითაც მოსარჩელემ კულტურისა და ძეგლთა დაცვის სამინისტროსა და კულტურული მემკვიდრეობის დაცვის ეროვნული სააგენტოს მიერ, 2014 წლის 12 დეკემბერს გამოცემული ადმინისტრაციული აქტების შეჩერება მოითხოვა. საქმეში მესამე პირად ჩართული იყო კომპანია RMG Gold, რომელსაც აღნიშნული აქტების საფუძველზე არქეოლოგიური ობიექტის დაშლა-აღების ნებართვა მიეცა.
