საქალაქო სასამართლოში თბილისის განვითარების ფონდის საქმეზე იმსჯელებენ. პროცესზე ბრალდების მხარის მტკიცებულებათა გამოკვლევა გაგრძელდება.
სხდომაზე დაიკითხებიან პროკურატურის მოწმეები.
დაცვის მხარე საქმის პოლიტიკურ მოტივზე საუბრობს და აცხადებს, რომ დედაქალაქის ყოფილი მერის გიგი უგულავას ბრალი ამ საქმეში არ იკვეთება.
თბილისის ყოფილ მერს სამსახურებრივი მდგომარეობის გამოყენებით, თბილისის განვითარების ფონდისთვის გამოყოფილი დიდი ოდენობით საბიუჯეტო სახსრების გაფლანგვა ედება ბრალად.
