საქალაქო სასამართლოში ლაშა მახარაძის მკვლელობის საქმის განხილვა გრძელდება. გიორგი ოქროპირიძის ბრალეულობაზე გადაწყვეტილება ნაფიცმა მსაჯულებმა უნდა მიიღონ. დღევანდელ პროცესზე ბრალდების მხარის მოწმეების დაკითხვა და წერილობითი მტკიცებულებების განხილვა მოხდება. ოქროპირიძის ადვოკატს იმედი აქვს, რომ ნაფიც მსაჯულებს მისი დაცვის ქვეშ მყოფის უდანაშაულობაში დაარწმუნებს. ლაშა მახარაძე აბაშიძის ქუჩაზე ცეცხლსასროლი იარაღით მიყენებული ჭრილობებით გასული წლის 2 სექტემბერს გარდაიცვალა, 12 სექტემბერს კი განზრახ მკვლელობისა და იარაღის უკანონო შეძენა-შენახვა-ტარების ბრალდებით გიორგი ოქროპირიძე დააკავეს.
