7 ნოემბრის საქმეზე ყოფილი მაღალჩინოსნების სასამართლო პროცესი დღეს განახლდება. დღესვე მოსამართლე გიგი უგულავასთვის აღმკვეთი ღონისძიების თაობაზე გადაწყვეტილებას მიიღებს. დედაქალაქის ყოფილი მერის ადვოკატის, ბექა ბასილაიას განცხადებით უგულავას გათავისუფლების ყველანაირი საფუძველი არსებობს, მაგრამ სასამართლო მიკერძოებულია და გადაწყვეტილებებს პროკურატურის გავლენით იღებს. 7 ნოემბრის საქმეზე უგულავასთან ერთად ბრალდებულები არიან ექსპრეზიდენტი მიხეილ სააკაშვილი, ვანო მერაბიშვილი, ზურაბ ადეიშვილი და დავით კეზერაშვილი. პროცესი საქალაქო სასამართლოში 3 საათზეა ჩანიშნული.
