,,ნაციონალური მოძრაობის” წევრის დავით დარჩიაშვილის განცხადებით, პრეზიდენტი ცდილობს ,,ოცნების” წევრებს შეახსენოს, რომ არსებობს კონსტიტუცია. მისი შეფასებით, საქართველოს პრეზიდენტი გიორგი მარგველაშვილი ერთადერთია გუნდიდან, ვინც ივანიშვილის სათამაშო არ გახდა.
,,მიუხედავად ძალიან ბევრი წინააღმდეგობისა და საყვედურისა, რაც ჩვენგან შეიძლება, მარგველაშვილის მიმართ ითქვას, პრაქტიკულად ერთადერთი ადამიანი აღმოჩნდა ამ გუნდში, ვინც ბიძინა ივანიშვილის სათამაშო არ გახდა. ცდილობს, როგორც შეუძლია, ზოგჯერ შეახსენოს ხოლმე თავის ოცნების თანამებრძოლებს, რომ კონსტიტუცია არის კონსტიტუცია და პრეზიდენტის ინსტიტუტი პრეზიდენტის ინსტიტუტია’’ - განაცხადა დარჩიაშვილმა.
შეგახსენებთ, პრემიერმა ირაკლი ღარიბაშვილმა დღეს მთავრობის ახალი შემადგენლობა დაასახელა და პრეზიდენტს სთხოვა მინისტრობის კანდიდატები პარლამენტისთვის დღესვე წარედგინა. პრეზიდენტმა გიორგი მარგველაშვილმა მთავრობის ახალ შემადგენლობაზე ხელმოწერა ერთი კვირით გადადო და მმართველ გუნდს მოუწოდა მთავრობის შემადგენლობაზე მსჯელობა მშვიდ გარემოში გააგრძელონ.
