ზურაბ ადეიშვილის უფლებადამცველი მიიჩნევს, რომ იუსტიციის ყოფილ მინისტრზე წითელი ცირკულარით ძებნა არც უნდა გამოცხადებულიყო. გოჩა სვანიძის პოზიციით, ადეიშვილისთვის ბრალდებების წაყენებისთანავე ნათელი იყო, რომ საქმეს პოლიტიკური მოტივი ჰქოდნა. მისივე თქმით, ინტერპოლის გადაწყვეტილების მიუხედავად, გამოძიება მაინც მიმდინარეობს და მომდვნო სასამართლო სხდომა 1 მაისს არის ჩანიშნული. იუსტიციის ყოფილი მინისტრის, ზურაბ ადეიშვილის წინააღმდეგ საქართველოში 3 სისხლის სამართლის საქმის წარმოება მიმდინარეობს: ციხეში პატიმრის წამება, "ქართუ ბანკის" გაკოტრება და 7 ნოემბრისა და ტელეკომპანია "იმედში" უკანონო შეჭრა, რომელშიც ყოფილ მინისტრს ბრალი 4 ყოფილ მაღალჩინოსანთან ერთად აქვს წაყენებული.
