მთავარი პროკურატურა ადასტურებს, რომ ინტერპოლმა ზურაბ ადეიშვილის მიმართ წითელი ცირკულარით ძებნა შეწყვიტა. ინტერპოლის გენერალური სამდივნოსგან შესაბამისი წერილი პროკურატურამ 9 აპრილს მიიღო. ინტერპოლი ადეიშვილზე საერთაშორისო ძებნის შეწყვეტის მიზეზად მის მიერ ერთ-ერთი სახელმწიფოსგან ლტოლვილის სტატუსის მინიჭებას ასახელებს. მთავარი საგამოძიებო ორგანოს განმარტებით, უახლოეს პერიოდში უწყება აღნიშნულ საკითხთან დაკავშირებით კანონმდებლობით გათვალისწინებული შესაბამისი პროცედურების განხორციელებას გეგმავს.
