,,თავისუფალი დემოკრატების” წევრი ნინო გოგუაძე ყოფილი იუსტიციის მინისტრიეს ზურაბ ადეიშვილის ინტერპოლის ძებნილთა სიიდან ამოღებას სამართალდამცავი სტრუქტურების არაპროფესონალიზმით ხნის.
,,ეს არის ჩვენი სამართალდამცავი სტრუქტურების არაკომპეტენტურობისა და არაპროფესიონალიზმის შედეგი. როცა ამდენ მძიმე დანაშაულში ბრალდებული ყოფილი თანამდებობის პირი, მათ შესაბამისი მტკიცებულებები უნდა მოამზადონ და გადასეცნ ინტერპოლს. თუ ეს ვერ ხდება ე.ი ვერ ახერხებენ ამ მტკიცებულებების კვალიფიციურად მოპოვებას”, -აცხადებს გოგუაძე.
იუსტიციის ყოფილი მინისტრი ზურაბ ადეიშვილი ინტერპოლის ძებნილთა სიაში აღარ არის. როგორც ,,ჯი-ეიჩ-ენთან” საუბარში ადეიშვილის ადვოკატმა ოთარ კახიძემ განაცხადა დაცვის მხარე ინტერპოლთან აწარმოებდა მოლაპარაკებებს ადეიშვილი ამოეღოთ ძებნილთა სიიდან, თუმცა ინტერპოლიდან ოფიციალური წერილი ჯერ არ მიუღიათ.
,,ინტერპოლის დევნილთა სიაში ზურაბ ადეიშვილი აღარ არის. დაცვის მხარე აწარმოებდა კომუნიკაციას ინტერპოლთან, რათა მოეხსნათ დევნილთა ცირკულარიდან ზურაბ ადეიშვილი. თუმცა ოფიციალური პასუხი ინტერპოლიდან არ მოგვსვლია, ველოდებით პასუხს და შემდეგ მოგახსენებთ რა და როგორ არის”, _განაცხადა ,,ჯი-ეიჩ-ენთან” საუბარში ოთარ კახიძემ.
მისივე განმარტებით, ინტერპოლს დაცვის მხარებ ბოლოს ოთხი თვის წინ მიმართა.
შეგახსენებთ, რომ იუსტიციის ყოფილი მინისტრის გვარი უკვე რამდენიმე დღეა ინტერპოლის ოფიციალურ ბაზაში აღარ იძებნება. ადეიშვილზე ინტერპოლით ძებნა 2013 წლის 15 ნოემბერს გამოცხადდა.
