შალვა აბულაძე პოლიციელების მკვლელობას არ აღიარებს. ამის შესახებ, ბრალდებულის ადვოკატმა არჩილ ჩუბინიძემ სასჯელაღსრულების მე-7 დაწესებულების დატოვების შემდეგ განცხადა.
ადვოკატის განცხადებით, ბრალის დადგენილებას მისის დაცვის ქვეშ მყოფი წამების შედეგად დაეთანხმა.
,, ბრალდებულმა განაცხადა რომ მას ეკუთვნის შემთხვევის ადგილიდან დაკავების დროს ამოღებული მაკაროვის სისტემის ფისტოლეტი და ხელყუმბარა. შემთხვევის ადგილიდან ამოღებული გლოკის სისიტემის ფისტოლეტეი არ ეკუთვნის მას. აგრეთვე ის აცხადებს, რომ მას პოლიციელების თავდასხმაში არც ბორჯომში და არც თბილისში მონაწილეობა არ მიუღია და აღნიშნული მკვლელობები არ არის მის მიერ ჩადენილი. მისივე განცხადებით პოლიციელების მკვლელი კვლავ თავისუფალია”, _განაცხადა ჟურნალისტებთან საუბრისას შალვა აბულაძის ადვოკატმა.
შეგახსენებთ, რომ დაკავებული შალვა აბულაძე იძებნებოდა პოლიციელების – შსს-ს სამცხე-ჯავახეთის სამხარეო მთავარი სამმართველოს ბორჯომის რაიონული სამმართველოს უბნის ინსპექტორ-გამომძიებელ გიორგი ბერუაშვილის და შსს-ს ისანი-სამგორის სამმართველოს მე-8 განყოფილების უბნის ინსპექტორ-გამომძიებელ ბექა მარგიშვილის მკვლელობის ფაქტზე, სამცხე-ჯავახეთის სამხარეო მთავარი სამმართველოს ბორჯომის რაიონული სამმართველოს უბნის ინსპექტორ-გამომძიებელ გიორგი მახარაშვილის და ისანი-სამგორის სამმართველოს მე-8 განყოფილების უბნის ინსპექტორ-გამომძიებელ ვალერიან გრძელიშვილის დაჭრის ფაქტზე.
შალვა აბულაძის წინააღმდეგ გამოძიება პროკურატურამ დაიწყო საქართველოს სსკ-ის რამდენიმე მუხლით, რაც პოლიციელის სიცოცხლის მოსპობას, მოსპობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
ბრალდება 16-20 წლამდე თვისუფლების აღკვეთას ან უვადო პატიმრობას ითვალისწინებს. თბილისის პროკურატურამ შალვა აბულაძეს ბრალი დაუსწრებლად წაუყენა საქართველოს სისხლის სამართლის კოდექსის 353-ე პრიმა მუხლის მე-3 ნაწილით, 19,353-ე პრიმა მუხლის მე-3 ნაწილითა და 236-ე მუხლის პირველი და მეორე ნაწილებით, რაც გულისხმობს პოლიციელის სიცოცხლის მოსპობას მის სამსახურებრივ საქმიანობასთან დაკავშირებით და ცეცხლსასროლი იარაღის მართლსაწინააღმდეგო შეძენა, შენახვა, ტარებას.
