ბორჯომის გამგებელი დიმიტრი ყიფიანის განცხადებით, პოლიციელის მკვლელობაში ბრალდებულის შალა აბულაძის დაკავების შესახებ ოფიციალურ ინფორმაციას არ ფლობს და იცის მხოლოდ ის ინფორმაცია რაც მოსახლეობაში გავრცელდა.
,, მე ვიცი ის ინფორმაცია რაც ყველამ, მოსახლეობამ ჭორისა და მითქმა-მოთქმის დონეზე. Oოპერატიულ საკითხებში საქმის კურში არავინ ჩამაყენებდა. ისე ბორჯომში არც აჟიოტაჟი იყო არც ხმაური და არც მობილიზება იგრძნობოდა არც გუშინ, არც დღეს დილით და განსაკუთრებული არაფერო არ ხდებოდა”, _აცხადებს გამგებელი ,,რუსთავი-2”-თან საუბარში.
პოლიციელის მკვლელობაში ეჭვმიტანილი შალვა აბულაძე დაკავებულია. პოლიცია მას კვირაზე მეტ ხანს ეძებდა. ,,რუსთავი-2”-ის ინფორმაციით, შალვა აბულაძე ბორჯომში ერთ ერთ მიტოვებულ სახლში დააკავეს.
ტელეკომპანიის ინფორმაციით, ბრალდებული უკვე ბორჯომიდან თბილისში გადმოყავთ.
აბულაძეს, სავარაუდოდ, დღეს ოფიციალურად წარუდგენენ ბრალს და სასამართლო დღესვე შეუფარდებს აღკვეთის ღონისძიებას.
დაკავებულ აბულაძეს ბრალად ედება ორი პოლიციელის მკვლელობა. თავდასხმის ბოლო შემთხვევა ოთხ აპრილს თბილისში მოხდა.