ყოფილი პრემიერის ბიძინა ივანიშვილის განმარტებით, დეპუტატები მასთან აღდგომის დღესასწაულის მისალოცად მივიდნენ და სპორტის მინისტრის ლევან ყიფიანის გადაყენების თაობაზე საუბარი არ ყოფილა.
,,ჩემი მეგობრები არიან და მოვიდნენ რომ აღდგომა მოელოცათ. ზუსტად 5 წუთი იყვნენ. მათი პრეტენზიები ვიცი ყიფიანთან დაკავშირებით, მაგრამ დღეს ამ თემაზე არ გვქონია საუბარი. თვითონ უნდა გაერკვნენ, მე ჩემი საქმე მაქვს", - განაცხადა ჟურნალისტებთან ივანიშვილმა.
პარლამენტის სპორტისა და ახალგაზრდულ საქმეთა კომიტეტის წევრები ყოფილ პრემიერს ბიძინა ივანიშვილს შეხვდნენ.
,,მაესტროს” ინფორმაციით, შეხვედრაზე მხარებმა სპორტის მინისტრ ლევან ყიფიანთან დაკავშირებით იმსჯელეს.
კომიტეტის წევრები ლევან ყიფიანის გადადგომას ითხოვენ და მის მიმართ კონკრეტული პრეტენზიები აქვთ.
