პარლამენტის შენობის წინ 9 აპრილის ტრაგიკული მოვლენების დროს დაღუპულებს პატივი მიაგეს ,,თავისუფალმა დემოკრატებმა”. როგორც პარტიის ლიდერმა ირაკლი ალასანიამ განმარტა 9 აპრილი თითოეულ ადამიანს ახსენებს თავის მოვალეობას თუ რისთვის მოვედით ამ ქვეყანაზე.
,,ეს დღე ყველა ქართველს გვხსენებს მთავარ მოვალეობას, რისთვის მოვედით ამ ქვეყანაზე. ყველაზე მნიშვნელოვანია, მზად ვიყოთ, დავთმოთ ყველაფერი იმისთვის, რომ დავიცვათ ჩვენი სამშობლო", - განაცხადა ირაკლი ალასანიამ.
შეგახსენებთ, რომ 9 აპრილის ტრაგიკული მოვლენებიდან 26 წელი გავიდა.