ვერც ერთმა კრიმინალმა ვერ უნდა დაგვასწროს გასროლა, - განაცხადა პრემიერმინისტრმა ირაკლი ღარიბაშვილმა გადაუდებელი ქირურგიისა და ტრავმატოლოგიის ცენტრში პოლიციელის მკვლელობაზე საუბრისას.
“ მინდა, გავიმეორო ის, რასაც ჩემი მინისტრობის დროს ვეუბნებოდი ჩემს თანამშრომლებს - ჩვენ ყოველთვის წინ უნდა ვუსწრებდეთ კრიმინალს, 2-3 ნაბიჯით წინ და ვერ უნდა დაგვასწროს ვერც ერთმა კრიმინალმა, ვერც გასროლა და ვერც ვერაფერი. წინააღმდეგობის შემთხვევაში, რა თქმა უნდა, პოლიციელებს აქვთ სრული უფლება, რომ მოახდინონ ამ ადამიანის ლიკვიდაცია”, - განაცხადა ღარიბაშილმა.
