არ გამოვრიცხავ, პროკურატურამ ვინმე აიძულოს და ათქმევინოს, რომ მე მოვკალი ხარძიანი, - განაცხადა ბიზნესმენმა გია უდესიანმა პოსტსკრიპტუმთან საუბარში
„არ გამოვრიცხავ, პროკურატურამ ვინმე აიძულოს და ათქმევინოს, რომ მე მოვკალი ხარძიანი. შეუძლიათ სკაიპით დამკითხონ, ბილეთებს ვუყიდი ჩამოვიყვან, ვუპასუხებ მათ ყველა კითხვას.მე ხელების ჩამოშვებას არ ვაპირებ. მეყო რაც ვდუმდი. თქვენ როგორ გგონიათ, მე ამას შევიტენი? მეტყობა ამის რამე? მე ამ საკითხს შევაკვდები, ყველაფერს გავაკეთებ, რომ სიმართლე დადგინდეს. ყველა ჩემს ხელთ არსებულ ინფორმაციას, მთელ სამეგობრო წრეს, ფინანსურ შესაძლებლობებს ჩავრთავ ამ საქმის გახსნისთვის და ხარძიანის მკვლელის თუ მკვლელთა ჯგუფის გამოსააშკარავებლად და შემდგომში დასასჯელად“, - განაცხადა უსესიანმა.
შეგახსენებთ, რომ 28 მარტს ბესო ხარძიანი ცეცხლსასროლი იარაღიდან მიყენებული 4 ჭრილობის შედეგად, საავადმყოფოში გარდაიცვალა.
ბიზნესმენი ბესიკ ხარძიანი, საცხოვრებელი სახლის სადარბაზოში დაჭრეს.ბესიკ ხარძიანს 4 ტყვია ჰქონდა თავში და ფეხებში მოხვედრილი. ჯეჯერობით უცნობი პირი მას საცხოვრებელი სახლის სადარბაზოში შეჰყვა და ესროლა.
