,,თავისუფალი დემოკრატების” ლიდერი ირაკლი ალასანია პოლიციის თანამშრომლის ბექა მარგიშვილის დაღუპვას ეხმიანება და აცახდებს, რომ დამნაშავე დროულად უნდა იქნას გამოვლენილი და დასჯილი.
ალასანიას განცახდებით, სამწუხაროა, რომ მსგავსი ტიპის ფაქტები ბოლო დროს გახშირდა.
,,ღრმა მწუხარებას გამოვთქვამ ახალგაზრდა პოლიციელის, ბექა მარგიშვილის დაღუპვის გამო. თითოეული უდროოდ დაკარგული ახალგაზრდა, აუნაზღაურებელი დანაკლისია ჩვენი ქვეყნის და მათი ოჯახებისთვის. დამნაშავე დროულად უნდა იქნას გამოვლენილი და დასჯილი. საგანგაშოა ის, რომ მსგავსი ფაქტები გახშირდა. მთავრობამ გადაუდებელი ღონისძიებები უნდა გაატაროს, რათა უზრუნველყოს ჩვენი საზოგადოების მეტი დაცულობა. ვუსამძიმრებ ბექას ოჯახს!”, _აცხადებს ალასანია სოციალურ ქსელში.
უბნის ინსპექტორ-გამომძიებელი ბექა მარგიშვილი დეტექტივის თანაშემწე - გამომძიებელ ვალერიან გრძელიშვილთან ერთად 4 აპრილს, საღამოს საათებში, თბილისში, ვარკეთილის მეტროსთან, ჯავახეთის ქუჩაზე, სამსახურებრივ მოვალეობას ასრულებდა, რა დროსაც მათ გადამოწმების მიზნით პიროვნება შეაჩერეს.
აღნიშნულმა პირმა მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა.
მოგვიანებით ერთ-ერთი მათგანი, ბექა მარგიშვილი დაიღუპა. ვალერიან გრძელიშვილს კი მკურნალობა უტარდება.
მოგვიანებით ერთ-ერთი მათგანი, ბექა მარგიშვილი დაიღუპა. ვალერიან გრძელიშვილს კი მკურნალობა უტარდება.