შსს-ს მიმდებარე ტერიტორიაზე პოლიციელის მკვლელობაში ეჭვმიტანილს ეძებენ. ეჭვმიტანილს სამართალდამცველები საცხოვრებელ კორპუსში ეძებენ.
სამუშაოებს ადგილზე შეიარაღებული სპეცრაზმი აწარმოებს.ეჭვმიტანილის სამძებრო ღონისძიებები ჯავახეთის ქუჩაზეც მიმდინარეობს სადაც გუშინ შემთხვევა მოხდა.
შეიარაღებული სპეცრაზმის წევრები ადგილზე არსებულ ობიექტებს ამოწმებენ.
შეგახსენებთ, რომ შემთხვევა რის გამოც დღეს სპეცოპერაცია ტარდება გუშინ ვარკეთილში მოხდა.
უბნის ინსპექტორ-გამომძიებელი ბექა მარგიშვილი დეტექტივის თანაშემწე - გამომძიებელ ვალერიან გრძელიშვილთან ერთად 4 აპრილს, საღამოს საათებში, თბილისში, ვარკეთილის მეტროსთან, ჯავახეთის ქუჩაზე, სამსახურებრივ მოვალეობას ასრულებდა, რა დროსაც მათ გადამოწმების მიზნით პიროვნება შეაჩერეს.
აღნიშნულმა პირმა მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა.
მოგვიანებით ერთ-ერთი მათგანი, ბექა მარგიშვილი დაიღუპა. ვალერიან გრძელიშვილს კი მკურნალობა უტარდება.
მოგვიანებით ერთ-ერთი მათგანი, ბექა მარგიშვილი დაიღუპა. ვალერიან გრძელიშვილს კი მკურნალობა უტარდება.
