პრეზიდენტი გიორგი მარგველაშვილი პოლიციის თანამშრომლის ბექა მარგიშვილის დაღუპვის გამო მწუხარებას გამოთქვამს და აცხადებს, რომ შესაბამისმა ორგანოებმა მომხდარი ოპერატიულად უნდა გამოიძიონ.
პრეზიდენტის თქმით, დამნაშავემ პასუხი მთელი სიმკაცრით უნდა აგოს.
,,ღრმა მწუხარებას გამოვთქვამ პოლიციის თანამშრომლის ბექა მარგიშვილის სამსახურებრივი მოვალეობის შესრულებისას ტრაგიკულად გარდაცვალების გამო.შესაბამისი ორგანოებისგან ჩვენ ველით ამ უმძიმესი, ანტისახელმწიფოებრივი დანაშაულის სწრაფ გამოძიებას. დამნაშავემ კანონის მთელი სიმკაცრით უნდა აგოს პასუხი. პატივს მივაგებ ბექა მარგიშვილის ნათელ ხსოვნას და ამ მძიმე წუთებში თანადგომას ვუცხადებ მის ოჯახს, ახლობლებს, პოლიციის მთელ პირად შემადგენლობას”, _აცხადებს პრეზიდენტი.
