სტამბოლში სპეცოპერაცია მსხვერპლით დასრულდა. თურქი პროკურორი სეკიმ კირაზი, რომელიც გუშინ საღამოს მძევლად აიყვანეს, მის გასათავისუფლებლად ჩატარებული სპეცოპერაციისას სასიკვდილოდ დაიჭრა. Pროკურორი საავადმყოფოში მიყვანიდან რამდენიმე წუთში გარდაიცვალა. რადიკალური დაჯგუფების წევრებმა კირაზი სასამართლო დარბაზში აიყვანეს მძევლად. ისინი 2013 წელს სტამბოლში 15 წლის მოზარდის მკვლელობაში ეჭვმიტანილი პოლიციელების დასჯას მოითხოვდნენ, წინააღმდეგ შემთხვევაში კი მძევლის მოკვლით იმუქრებოდნენ. კირაზი სწორედ მოზარდის მკვლელობის გახმაურებულ საქმეს იძიებდა.
