სასჯელაღსრულების მინისტრის ყოფილი მრჩეველი ლალი მოროშკინა მთავარ პროკურატურაშია დაბარებული. საგამოძიებო უწყებაში მას 12 საათზე ელოდებიან. მოროშკინას განცხადებით, ის მოკლული ბიზნესმენის ბესიკ ხარძიანის მკვლელობის საქმესთან დაკავშირებით დაიბარეს. ბესიკ ხარძიანს 28 მარტს საკუთარ სახლთან ესროლეს. ის მიყენებული ჭრილობების შედეგად საავადმყოფოში გარდაიცვალა. მომხდარზე გამოძიებას პროკურატურა აწარმოებს.
