პარლამენტის თავმჯდომარემ დავით უსუფაშვილმა აშშ-ს „ეროვნული ომის კოლეჯის“ დელეგაციას უმასპინძლა.
შეხვედრაზე განიხილეს რეგიონში მიმდინარე მოვლენები, საქართველოს წინაშე მდგარი გამოწვევები, უსაფრთხოების და თავდაცვისუნარიანობის განმტკიცებისთვის გადასადგმელი ნაბიჯები.
საუბარი ასევე შეეხო საქართველოს ოკუპირებულ ტერიტორიებზე არსებულ ვითარებას, საქართველოს ნატოსთან დაახლოების პროცესს და ქართველი სამხედროების მიერ შეტანილ წვლილს საერთაშორისო სამშვიდობო მისიებში. დავით უსუფაშვილმა ყურადღება გაამახვილა საქართველოსა და აშშ-ს შორის არსებულ პარტნიორობასა და სტრატეგიულ თანამშრომლობაზე.
საქართველოს პარლამენტის თავმჯდომარის თქმით აუცილებელია ეს ურთოიერთობები გაღრმავდეს, როგორც პოლიტიკური და ეკონომიკური, ასევე სამხედრო თვალსაზრისით.
