პრემიერი ირაკლი ღარიბაშვილი ჟურნალისტებთან შეხვედრისას ,,მრეწველების” დეპუტატის გოგი თოფაძის ბოლო დროს გაკეთებულ განცხადებას გამოეხმაურა და აღნიშნა, რომ კოალიციაში შემავალი სხვა პარტიების მსგავსად ,,მრეწველებმაც” ხელი მოაწერეს სადამფუძნებლო დოკუმენტს რომლითაც იზიარებენ ხელისუფლების როგორც საშინაო, ისე საგარეო პოლიტიკას.
პრემიერის განმარტებით იგი არ იზიარებს ტოფაძის პოზიციას, რომელიც არ წარმოადგენს კოალიცია ,,ქართული ოცნების” აზრს.
,,რაც შეეხება გოგი თოფაძის განცხადებებს, მე რა თქმა უნდა, არ ვიზიარებ, ეს მისი პირადი აზრია. ეს არ წარმოადგენს კოალიციის აზრს. ზოგადად მე ვფიქრობ, რომ ეს თემა და ზოგადად მისი კომენტარი არის ზედმეტად აჟიტირებული და არ გირჩევდით დიდი დრო დახარჯოთ ამ თემაზე. ეჭვი არავის ეპარება, რომ ჩვენი საგარეო პოლიტიკა არის აბსოლუტურად ნათელი, ეს არის ღიად დეკლარირებული, საქართველოს პარლამენტის მიერ არის განსაზღვრული. ჩვენ გვაქვს სრული კონსესუსი ამ საკითხთან მიმართებაში და საქართველოს მთავრობა ამ კურსს და ამ პოლიტიკას ეფექტიანად ახორციელებს", -განაცხადა ღარიბაშვილმა.
