ირაკლი ალასანიას ყოფილმა მოადგილემ პროლურატურა თითქმის 9 საათიანი დაკითხვის შემდეგ დატოვა. ზაზა ბროლაძემ ჟურნალისტებს განუცხადა, რომ ე.წ. "კაბელების საქმის" ფარგლებში დაკითხეს. მისივე განმარტებით, თავდაცვის სამინისტროსა და კერძო კომპანიას შორის მოლაპარაკებები მისი თანამდებობაზე ყოფნის დროს მიმდინარეობდა. ხელშეკრულებაზე მისი ხელმოწერა არ არის, რადგანაც დოკუმენტი 2013 წლის დეკემბერში გაფორმდა, ბროლაძემ კი თანამდებობა 2013 წლის ნოემბერში დატოვა. ბროლაძე კორუფციის შესაძლებლობას "სილქნეტთან" გაფორმებულ ხელშეკრულებაში გამოირცხავს. მისივე თქმით, ალასანია უშულად მოლაპარაკებებში არ მონაწილეობდა.
