თბილისის მერი დავით ნარმანია აცხადებს, რომ განმარტებას IRI-ის კვლევაზე მას შემეგ გააკეთებს როცა ორგანიზაციის მიერ კვლევის პრეზენტაციას დეტალურად გაეცნობა.
,,კომენტარს გავაკეთებთ მას შემდეგ რაც დეტალურად ვნახავთ კვლევის პრეზენტაციას. მნიშვნელოვანია როგორ იყო კვლევის კითხვარი შედგენილი, მნიშვნელოვანია რა ფორმატით ჩატარდა კვლევები. ჩვენი უმთავრესი ამოცანაა კვლევებში დავინახოთ არსებული მდგომარეობის რეალური სურათი და ერთად მივიღოთ გადაწვეტილებები როგორ გავზარდოთ ეფექტიანობა”, _აცხადებს ნარმანია.
ამერიკის საერთაშორისო რესპუბლიკური ინსტიტუტის (IRI-ის) კვლევის შედეგების თანახმად პოლიტიკური ლიდერებიდან გიორგი მარგველაშვილი და დავით სერგეენკო ლიდერობენ მათ 62 პროცენტი აქვთ.
ირაკლი ალასანიას და დავით უსუფაშვილს 57 პროცენტი აქვთ, პრემიერ-მინისტრს 56 პროცენტი.
,,რუსთვაი-2”-ის ინფორმაციით, თბილისი მერის დავით ნარმანიას მუშაობის შეფასებისას კი გამოკითხულთა 66 პროცენტს კითხვაზე პასუხის გაცემა გაუჭირდა, 23 პროცენტი მერის საქმიანობას უარყოფითად აფასებს.
მისი მუშაობით გამოკითხულთა მხოლოდ სამი პროცენტია კმაყოფილი.