ჯანდაცვის მინისტრი დავით სერგეენკო აცხადებს, რომ ამერიკის საერთაშორისო რესპუბლიკური ინსტიტუტის (IRI-ის) კვლევას არ გაცნობია რის გამოც დეტალურ განმარტებას ვერ გააკეთებს.
,, კვლევაზე რაიმე სახის შეფასება გამიჭირდება ორი მიზეზის გამო. პირველი მიზეზი არის ის, რომ არ ვარ კომპეტენტური კვლევის მეთოდოლოგიებში. მეორე მიზეზი, არის ის რომ საკუთრივ კვლევა არ მინახავს, ვნახე მხოლოდ მოკლე სტატია , - განაცხადა დავით სერგეენკომ.
ამერიკის საერთაშორისო რესპუბლიკური ინსტიტუტის (IRI-ის) კვლევის შედეგების თანახმად პოლიტიკური ლიდერებიდან გიორგი მარგველაშვილი და დავით სერგეენკო ლიდერობენ მათ 62 პროცენტი აქვთ.
ირაკლი ალასანიას და დავით უსუფაშვილს 57 პროცენტი აქვთ, პრემიერ-მინისტრს 56 პროცენტი.
,,რუსთვაი-2”-ის ინფორმაციით, თბილისი მერის დავით ნარმანიას მუშაობის შეფასებისას კი გამოკითხულთა 66 პროცენტს კითხვაზე პასუხის გაცემა გაუჭირდა, 23 პროცენტი მერის საქმიანობას უარყოფითად აფასებს.
მისი მუშაობით გამოკითხულთა მხოლოდ სამი პროცენტია კმაყოფილი.
