დღეს დილით, ბათუმის რეფერალურ საავადმყოფოში 29 წლის მაია ვერძაძე დაიღუპა.
დაღუპულის ახლობლები სამშობიარო სახლის ექიმებს არაპროფესიონალიზმში ადანაშაულებენ. მათ უკვე ორი საათია რუსთაველის გამზირი გადაკეტილი აქვთ და აქციას მართავენ.
ორსული ქალი ბათუმის სამშობიარო სახლში მაღალი წნევის გამო რამდენიმე დღის წინ მოათავსეს.
ახლობლების განმარტებით, მათი თხოვნის მიუხედავად, ორულს საკეისრო კვეთა არ გაუკეთეს. რამდენიმე დღის შემდეგ კი პაციენტს ორი ოპერაცია ჩაუტარდა.
ახალშობილი მკვდარი დაიბადა, ქალს კი საშვილოსნო ამოკვეთეს და მძიმე მდგომარეობაში სამშობიარო სახლიდან ბათუმის რეფერალურ საავადმყოფოში გადაიყვანეს.
